Home ଅପରାଧ ଭୁବନେଶ୍ଵରରେ ଟେଷ୍ଟ ଡ୍ରାଇଭ୍ ନା ରେ ବାଇକ୍ ଚୋରି ।

ଭୁବନେଶ୍ଵରରେ ଟେଷ୍ଟ ଡ୍ରାଇଭ୍ ନା ରେ ବାଇକ୍ ଚୋରି ।

194
0

ଆମଭାରତ ( ଭୁବନେଶ୍ଵର ) ୨୭/ ୪ :  ବିକ୍ରି ପାଇଁ OLXରେ କୌଣସି ବିଜ୍ଞାପନ ଦେଇଛନ୍ତି କି? ଯଦି ହଁ, ତାହାହେଲେ ସାବଧାନ ହୋଇଯାଆନ୍ତୁ। କାରଣ ଟେଷ୍ଟ ଡ୍ରାଇଭ୍ ନାଁରେ ଆପଣଙ୍କ ଗାଡ଼ିକୁ ହରଣଚାଳ କରାଯାଇପାରେ। ଆଖି ସାମ୍ନାରେ ଆପଣଙ୍କ ଗାଡ଼ିକୁ ଧରି ଛୁ’ ମାରିପାରନ୍ତି ଲୁଟେରା। ଏମିତି ଜଣେ ଧୁରନ୍ଧର ଚୋରକୁ ଆଜି କମିଶନରେଟ୍‌ ପୁଲିସ ଗିରଫ କରିଛି। ତା’ ପାଖରୁ ୧୬ଟି ବାଇକ୍‌ ଜବତ କରିଛି।
ଗିରଫ ହୋଇଥିବା ଚୋରର ନାଁ ହେଉଛି ଏସ୍.ଅମିତ ପାତ୍ର। ତା’ ଘର ଗଞ୍ଜାମ ଜିଲ୍ଲାରେ। ସେ ମ୍ୟାଟ୍ରିକ୍ ପାସ୍ କରିଛି। କୌଣସି ବୈଷୟିକ ଜ୍ଞାନକୌଶଳ ଜାଣି ନଥିଲେ ମଧ୍ୟ ସେ ଗାଡ଼ି ଚୋରା ଚାଲାଣରେ ମାହିର। ସେ ପ୍ରଥମେ OLXରେ ବିଜ୍ଞାପନ ଦେଇଥିବା ବିକ୍ରେତାଙ୍କୁ ଟେଷ୍ଟ ଡ୍ରାଇଭ୍ ପାଇଁ ଫୋନ୍ କରି ନିର୍ଦ୍ଧିଷ୍ଟ ସ୍ଥାନକୁ ଡାକିଥାଏ। ବିକ୍ରେତା ସ୍ଥିରୀକୃତ ସ୍ଥାନରେ ପହଞ୍ଚିଲେ ସନ୍ଦେହ ଦୂର କରିବା ପାଇଁ କିଛି ଆଡ୍‌ଭାନ୍ସ ଟଙ୍କା ଦେଇଥାଏ। ତା’ପରେ ବିକ୍ରେତାଠାରୁ ଗାଡ଼ି ଧରି ପାର୍ ହୋଇଯାଏ। ନିରାପଦ ଦୂରତାକୁ ଯିବା ପୂର୍ବରୁ ଗାଡ଼ି ବିକ୍ରେତାଙ୍କ ଗୋଟିଏ ଦୁଇଟି କଲ ଉଠାଏ ଅମିତ। ଆଉ ତା’ପରେ ମୋବାଇଲ୍‌ ସୁଇଚ୍ଅଫ୍ କରିଦିଏ।
ଗୋଟିଏ କି ଦୁଇଟି ନୁହଁ। ରାଜଧାନୀରେ ଅନେକ ଥର ଏଭଳି କାଇଦାରେ ଯାନବାହନ ଲୁଟ୍‌ପାଟ୍ କରିଛି ଏସ୍.ଅମିତ ପାତ୍ର। ତାଙ୍କର କ୍ରାଇମ୍ ଅପରେଟିଂ ଏରିଆ ହେଉଛି ଭୁବନେଶ୍ୱର, କଟକ ଓ ପୁରୀ। ପୁଲିସର କହିବା କଥା, ନୟାଗ଼ଡର ନିର୍ଦ୍ଦିଷ୍ଟ ଜଣେ ଗ୍ୟାରେଜ ମାଲିକଙ୍କୁ ଅମିତ ଚୋରି ହୋଇଥିବା ଏସବୁ ଗାଡ଼ି ଯୋଗାଇଥାଏ। ପ୍ରତି ଗାଡ଼ି ପିଛା ଅମିତ ପାଏ ୧୦ ହଜାର ଟଙ୍କା।
ତେବେ ଲକ୍ଷ୍ମୀସାଗର, ଲିଙ୍ଗରାଜ ଓ ନୟାପଲ୍ଲୀ ଥାନାରେ OLX ଜରିଆରେ ଗାଡି ଚୋରି ନେଇ ଏକାଧିକ ଅଭିଯୋଗ ହୋଇଥିଲା। ଏହାପରେ ମାମଲାର ଖୋଳତାଡ଼ କରିବା ସହ କମିଶନରେଟ୍ ପୁଲିସ ୧୬ଟି ବାଇକ୍ ଜବତ କରିବା ସହ ଘଟଣାର ପର୍ଦ୍ଦାଫାସ୍ କରିଛି। ଏନେଇ ସୂଚନା ଦେଇଛନ୍ତି ଭୁବନେଶ୍ୱର ଡିସିପି ଅନୁପ ସାହୁ।

LEAVE A REPLY

Please enter your comment!
Please enter your name here